Esprimo (programlingva)

En la programlingvoj esprimo estas valorhava frazo, kiu konsistas el operandoj (konstantoj, variabloj, funkcivokoj), eventualaj operacisimboloj kaj krampoj; al tia esprimo la komputado atribuas valoron laŭ la reguloj de la koncerna programlingvo. Kiel en matematiko, la esprimo estas prezentaĵo de tia valoro.

Esprimo povas (kvankam ne devas) havi kromefikon; malesto de kromefikoj estas principo de funkcia programado.